Flogfar misti stóran motorlut

Um illa vildi til kundi ein tilburður í gjár endað við eini vanlukku, tá eitt flogfar í USA misti ein stóran lut av einum motori

Um illa vildi til kundi tilburðurin um vikuskiftið endað við eini syrgiligari vanlukku, sigur ein flogserfrøðingur sambært Wall Street Journal

Mynd: Airlive.net á Twitter

Bjarni Mohr

28.08.2016 - 13:19

Eitt ferðafólkaflogfar hjá Southwest Airlines misti í gjár ein stóran lut av einum motori, tá flogfarið fleyg yvir Florida í USA

Tað hendi eftir ein brest í vinstra motori, tá ein stórur lutur datt av motorinum, ið eisini gjørdi skaðar á skrokkin og stýriútgerðina.

Greinin heldur fram niðanfyri

EMERGENCY #SW3472 loses part of engine #1 after inflight explosion https://t.co/n5AYSpxKFt (pic: @smillerddd3) pic.twitter.com/Ierd9Aaa8U
— AIRLIVE.net (@airlivenet) August 28, 2016

Tað eydnaðist kortini flogskiparunum at lenda Boeing 737-800 flogfarið trygt í eini floghavn í býnum Pensacola, sum er í Florida.

Um illa vildi til kundi tilburðurin um vikuskiftið endað við eini syrgiligari vanlukku, sigur ein flogserfrøðingur sambært Wall Street Journal.

Boeing-flogfarið hjá Southwest Airlines var á veg úr New Orleans til Orlando í Florida í gjár, tá ein lutur datt av vinstra motorinum. 99 ferðafólk vóru við flogfarinum.