Væntandi klár um eina viku

Ternan fer væntandi aftur í sigling um Nólsoyarfjørð mikudagin í næstu viku, skriva Strandfaraskip Landsins á heimasíðuni.

Nýggi luturin kemur sunnudagin, og so verður arbeitt uppá Ternuna mánadagin og týsdagin í komandi viku. Ternan verður so royndarsigld mikudagin. 

Ternan fer aftur at røkja nólsoyarleiðina mikukvøldið 9. november, um alt gongur sum ætlað, stendur á heimasíðuni hjá Strandferðsluni.