Parkeringstíðirnar í miðbýnum broyttar

Nú kanst tú seta bilin í 30 minuttir, 2 tímar og 8 tímar. Tað merkir sostatt, at 15 minuttir, 1 tími og 4 tímar fella burtur.

Eftir ætlan skulu allir parkeringsbásar í miðbýnum hava tíðaravmarking, stendur á heimasíðuni hjá Tórshavnar kommunu.

Broytingarnar merkja eitt nú, at eitt nú parkeringsøki, sum í dag ikki hevur tíðaravmarking, fær tíðaravmarkingina 8 tímar.

Fyrstu broytingarnar í dag

Parkeringsøkið við Lonirnar í Bókbindaragøtu, sum í dag ikki hevur tíðaravmarking, verður partur av í miðbýnum og fær tíðaravmarkingina 8t.

Handilsgøtur í miðbýnum fara í framtíðini at hava tíðaravmarkingina 30 minuttir. Flestu parkeringspláss, sum ikki eru í handilsgøtum, fara í framtíðini at hava tíðaravmarkingina 2 tímar.

Ongar broytingar verða á stóru parkeringsøkjunum: á Skálatrøð, á Frúutrøð, á Glaðsheyggi og á Bursatanga. Fyrstu broytingarnar verða settar í verk í dag, 15. november 2016.