Orsøkin til vanlukkuna funnin

Øll 92 fólkini umborð lótu lív í vanlukkuni, sum hendi í Svarthavinum, nær býnum Sochi í útsynningspartinum í Russlandi, haðani flogfarið júst var farið avstað.

Bjargingarlið hava nú funnið svarta kassan. Á upptøkunum hoyrist flogskiparin siga, at trupulleikar eru við flapsunum. Løtu seinni boðar flogskiparin frá, at flogfarið dettur niður.

Greinin heldur fram niðanfyri

Russiskir myndugleikar almannakunngjørdu annan jóladag seinastu samrøðuna millum flogvallartornið og flogskiparan.

Talan var um eitt hernaðarflogfar á veg til Sýria, men møguleikin fyri yvirgangi var beinanvegin vístur aftur.

Helst var eitt tekniskt brek atvold til vanlukkuna, søgdu myndugleikarnir. Tann illgrunin er staðfestur eftir at svarti kassin er komin undan kavi.