Grundlógaravhoyring um harðskap

Maðurin varð handtikin um hálvgum seks tíðina í gjárkvøldið. Hann er skuldsettur fyri at hava framt harðskap móti einum manni síðst í 30unum.

Skuldsetti skal hava sligið, sparkað og trampað mannin í høvdið, so at neyðugt varð at flyta mannin á Landssjúkrahúsið.

Vaktleiðarin á politistøðini, Heri Andreassen, sigur, at møguliga hevur maðurin brotið okkurt í høvdinum. Grundlógaravhoyringin byrjaði klokkan 13:30 í dag.

Hetta er fyrsta harðskapsmál í ár. Samanbera vit við sama tíðarskeið í fjør, so høvdu tá longu verið 15 harðskapsmál frá 1. januar til 8. februar, sigur Heri Andreassen.