Her verða rakettir skotnar móti Sýria

Klokkan 3:45 í morgun skutu tvey amerikonsk herskip til samans 59 Tomahawk-rakettir eftir eini flogstøð í Shayrat, nærhendis Homs har vesturi í Sýria.

Sí upptøkuna niðanfyri

Álopið kemur í kjalarvørrinum á einum eiturgassálopi týsdagin í Idlib-landslutinum tá flogfør hjá annaðhvørt sýriska stjórnarherinum ella Russlandi lupu á.

U.S. Department of Defense releases video of Tomahawk cruise missiles being launched from a Navy destroyer aimed at a Syrian airfield. pic.twitter.com/oeaRBvMl7P

— Reuters Top News (@Reuters) April 7, 2017

Málið hjá amerikanarum í morgun var ein flogstøð hjá sýriskum stjórnardeildum, sum amerikanarar halda, skipaði fyri eiturgassálopinum í Idlib-landslutinum týsdagin tá 86 fólk lótu lív.

Iran fordømir amerikanska rakettálopið móti sýrisku flogstøðini. Álopið fer at styrkja yvirgangsfólk og ger støðuna verri í økinum, sigur talsmaður fyri iranska uttanríkisráðið.

Bretskir myndugleikar stuðla fult og heilt amerikanska álopinum í Sýria, boðar Downing Street frá. Turkaland vónar, at amerikanska álopið í morgun fer at fáa frið í økinum.