Oljugrunnurin veksur

Norski oljugurunnurin veksur støðugt.

Tá fyrra hálvár varð gjørt upp, stóðu meir enn 8.000 milliardir krónir í grunninum. Úrslitið var 499 milliardir krónir fyrra hálvár, og so nógv er ongantíð fyrr komið í grunnin eftir einum hálvum ári.

Úrslitið svarar til, at hvørt fólk í Noreg eigur 1,5 milliónir krónir í Oljugrunninum.

Norska Fíggjarmálaráðið tók 16 milliardir krónir úr Oljugrunninum fyrra hálvár, men tað merkir ikki at grunnurin minkar, tí inntøkurnar eru væl størri.