Ferðavinnan mælir frá at broyta ferðagjaldið

Ferðavinnan er ein útflutningsvinnan, sum kappast við ferðavinnuna í øðrum londum.

Tí noyðist hon at vera kappingarfør.

Og tí mælir hon staðiliga frá at broyta ferðagjaldið, sum landsstýrið mælir til, tí almenna partafelagið Visit Faroe Islands hevur brúk fyri pengum.

Ferðavinnufelagið heldur, at so nógv ferðafólk eru í Føroyum nú, at ikki er neyðugt at broyta ferðagjaldið..  

Ferðagjaldið

Nú ræður um hjá samgonguni at trúgva upp á ta politisku raðfesting, sum varð gjørd í 2013. 

Og tað er at hava álit á, at ferðavinnan gevur størri inntøkur, so hvørt sum ferðavinnan veksur.

Ferðagjaldið, sum nú er 65 kr., eigur heldur at minka ella verða tikið av, heldur Ferðavinnufelagið.