Raðfesta samstarv við sosialdemokratar

Leiðslan í CDU hevði fund í Berlin í gjár, og har varð einmælt samtykt at miða eftir einari breiðari samgongu millum CDU og SPD.

Síðani valið í Týsklandi í heyst, hevur Angela Merkel roynt at skipa stjórn saman við Fríu demokratunum og Grøna flokkinum, men tað hevur ikki eydnast.

Síðani hesar samráðingarnar slitnaðu, hevur sosialdemokratiski flokkurin verið undir stórum trýsti.

CDU og SPD hava sitið í stjórn seinastu átta árini, men á valinum 24. septembur hevði sosialdemokratiski flokkurin stóra afturgongd.

Valkvøldið kunngjørdi nýggi formaðurin í SPD, Martin Schultz, at flokkur hansara fór í andstøðu, men síðani hevur Schlutz kortini bent á, at hann er fúsur at samráðast.