Brexitavtalan ikki í hús enn

Enn er avtalan hjá Bretlandi við ES um brexit ikki avgreidd.

Tá ES-nevndarformaðurin, Jean Claude Juncker, saman við bretska forsætisráðharranum, Theresu May, kom av samráðingarfundinum seint í gjár var eingin avtala.

- Vit hava gjørt stór framstig, men vit eru ikki samd um endaligu avtaluna í dag, segði ES-nevndarformaðurin.

Sambært Juncker nærkast partarnir tó á fleiri økjum. 

Bretskir fjølmiðlar skrivaðu í gjár, at serliga vóru framstig í málinum um markið millum NorðurÍrland og Írland, tá bretar endaliga fara úr ES. Men kortini eru tey ikki vorðin so samd, at tey kundu leggja fram endaliga avtalu í gjár.

Men Jean Claude Juncker er tó sannførdur um, at tað verður áðrenn toppfundin hálvan desember. 

Partarnir hittast skjótt aftur við samráðingarborðið, sigur Juncker. 

- Vit eru tilreiðar at taka samráðingarnar uppaftur seinni í vikuni, segði hann við fjølmiðlar í gjár.