Russland á fund við Nato

Í gjár hittust teir 29 verjumálaráðharrarnir í Nato á høvuðsborgini í Brússel at viðgera støðuna mótvegis Russlandi.

Jens Stoltenberg, Nato-aðalskrivari, sigur, at hann gleðir seg at hitta russiska uttanríkisráðharran, Sergej Lavrov, í serliga ráðnum, sum viðger viðurskifti millum Nato og Russland.

Fundurin verður í Munchen.

- Samrøður eru altíð góðar, men tær hava serstakan týdning, tá viðurskiftini eru spent, sigur Jens Stoltenberg.

Síðani Nato-Russland ráðið varð skipað í fjør, hava seks fundir verið, og á fundinum í dag fer Jens Stoltenberg at kunna Lavrov um, at Nato hevur økt trygdina í luftini yvir baltisku londunum.

Støðan millum Nato og Russland hevur verið spent, síðani Russland legði ukrainsku Krim-hálvoynna undir seg, og russisku uppíleggingina í Ukraina. 

Tað fekk Nato at broyta kós í 2014, tí nú skulu tey trý baltisku londini, Lettland, Litava og Estland, og Pólland tryggjast móti hóttanini eystaneftir.

Umleið 4.700 Nato-hermenn eru í løtuni í teimum fýra londunum.