PET-ovasti ákærdur fyri at bróta tagnarskyldu

Tað upplýsir ríkisadvokaturin.

Ákæruvaldið heldur, at Jakob Sharf hevur latið víðari loyniligar upplýsingar í bókini Syv år for PET, har hann greiðir frá tíðini, hann var stjóri í PET.

- Ákæruvaldið heldur, at ein partur av upplýsingunum, sum fyrrverandi stjórin hevur latið víðari í sambandi við, at bókin varð givin út, er revsivert brot á tagnarskylduna, sigur varastatsadvokaturin, Jakob Berger Nielsen.

Jakob Sharf hevur sagt fyrr, at eingir loynidómar verða avdúkaðir í bókini.

Bókin Syv år for PET kom út í 2016, og stutt eftir legði býarrætturin í Keypmannahavn fútaforboð móti bókini. 

Men tveur dagar seinni prentaði Politiken alla bókina í einum serblað.