Macron missir ein ráðharra

Nicolas Hulot sigur, at hann kunnaði ikki forsetan, Emmanuel Macron, um avgerðina at leggja frá sær. Tað skrivar Reuters.

Macron kom í dag á almenna vitjan í Danmark.

Áðrenn Hulot gjørdist umhvørvismálaráðharri, var hann sjónvarpsvertur og virkin í umhvørvismálum.

Macron, forseti, hevur nógvar avbjóðingar.

Búskaparligi vøksturin í Fraklandi er minkaður, og um vikuskiftið segði forsætisráðharrin, Edouard Philippe, at hann hevur slept politiska málinum um at minka hallið á fíggjarlógini.

Politiskir eygleiðarar í París siga, at Macron verður helst beiskur um uppsøgnina frá umhvørvismálaráðharranum, tí forsetin fekk einki at vita um hana, áðrenn hann fór til Danmarkar.

- Tað er grundleggjandi, og eisini høviskt, at ávara bæði forsetan og forsætisráðharran frammanundan, sigur ein stjórnartalsmaður.