ÍF styrkir hópin við klaksvíkingi

Føroysku fótbóltsfeløgini brúka veturin til at gera seg klár til komandi kappingarár, sum byrjar í mars mánaði.

ÍF skrivar í dag á heimasíðuni, at hópurin er styrktur við 30 ára gamla miðvallaranum, Henry Heinesen, sum kemur úr KÍ. 

Henry Heinesen hevur spælt 95 dystir í bestu deildini fyri KÍ, men seinastu trý árini hevur hann bara umboðað næstbesta liðið hjá klaksvíkingum.

Hetta verður fyrstu ferð, at Henry Heinesen, sum eisini kann spæla í miðverjuni, fer at umboða nakað annað felag enn KÍ.

mynd: Palli Vang