Amerikonsk lóg elvir til føroyska lóg um kóp

Ein amerikonsk lóg er ein orsøkin til, at lógaruppskot er gjørt í Fiskimálaráðnum, sum skal skipa kopaveiðina við Føroyar.

Amerikanska lógin setir londum, sum selja USA fisk og fiskavørur, krøv.

Krøvini eru um havsúgdjór, sum eru hjáveiða í fiskiskapi, og um kóp, sum alibrúk drepa.

Skal føroyskur laksur útflytast til USA, skal landið, í hesum føri Føroyar, seta forboð fyri at drepa kóp tilætlað í sambandi við alivirksemi.

Eingin serstøk lóg er í Føroyum um kóp.

Men serstakt loyvi kann skjótt latast til burðardygga kópaveiðu í Føroyum, og alifeløg kunnu fáa loyvi at taka kóp í samband við alivirksemi.

Havstovan skal tó frammanundan geva tilmæli um slík loyvi. 

Myndugleikarnir skulu hava fráboðan um alla kópaveiðu. 

Alilóg broytt

Tá alilógin varð broytt í fjør, skulu alifeløg boða frá, hvussu nógvan kóp, tey taka, ella hvussu nógvur kópur doyr av øðrum orsøkum í sambandi við alivirksemi.

Hóast eingin kópur er veiddur við Føroyar í hálva øld, er stovnurin minkaður.

Fyrr vóru okkurt um 3.000 láturkópar í Føroyum, men nú er stovnurnin mettur at vera okkurt um 1.000 til 2.000 kópar. 

Nógvur kópur varð tikin frá 1963-1967, tá virðisløn varð latin fyri hvønn dripnan kóp.

Men síðani tann skipanin steðgaði, hevur eingin kópaveiða verið í Føroyum.