Bólturin rullar aftur í bestu deildini

Í dag verða fimm dystir spældir í bestu mandeildini í fótbólti. Allir dystirnir byrja klokkan 15.

Sigursvandu feløgini bresta saman í Klaksvík, har KÍ tekur ímóti føroyameistarunum í HB.

Í Gundadali í Havn taka steypavinnararnir, B36, móti Skála.

Við Løkin í Runavík hittast NSÍ og EB/Streymur.

Við Stórá í Trongisvági tekur TB móti AB.

Grannauppgerð verður í Sarpugerði í Gøtu millum Víking og uppflytararnar í ÍF.

Kringvarpið sigur frá dystinum í Klaksvík millum KÍ og HB í sendingini Bólturin, ið byrjar klokkan 14.50