Bretskt blað: May leggur frá sær í morgin

Theresa May fer at boða frá avgerðini í Downing Street nummar 10 í morgin, sambært blaðnum, The Times. Tíðindini eru ikki váttað.

Stórt trýst hevur verið á Theresu May seinastu dagarnar, og hon hevur fingið fleiri áheitanir um at leggja frá sær, nú bretar í dag fara til ES-val, hóast teir eru á veg úr ES.

May mist stuðulin í tingbólkinum

Í gjár legði Andrea Leadsom, samgonguleiðari fyri Undirhúsið, frá sær. Andrea Leadsom fer væntandi at bjóða Theresu May av.

Sambært blaðnum, The Times, hevur Theresa May mist stuðulin í tingbólkinum hjá flokkinum, og nú eisini í stóran mun stuðulin í stjórnini.

Andrea Leadsom er 36. ráðharrin, sum gevst ta tíðina, Theresa May hevur verið stjórnarleiðari í Bretlandi.