95 deyð í álopi í Mali

Í minsta lagi 95 fólk eru dripini í einum álopi á eina bygd í afrikanska landinum, Mali.

Álopið varð framt í nátt á bygdina, har etniski fólkabólkurin, dogon-fólkið, býr. 

Ein embætismaður í Koundo-landspartinum, sigur, at higartil er staðfest, at 95 sivilfólk eru deyð. Líkini eru brend, men leitað verður eftir fleiri líkum.

Limur í trygdardeildunum hjá Mali sigur, at bygdin, Sobane, er so at siga útdeyð eftir álopið í nátt. 

Altjóða sjónvarpsrásin, France 24, sigur, at maliska verjumálaráðið hevur váttað deyðstalið, og at 19 fólk eru ikki komin aftur í aftur.

Ósemja hevur leingi verið millum limir í dogon-fólkinum og limir í  fólkabólkinum, fulanar, um atgongd til jørð og vatn, skrivar France 24. 

Dogon-fólkið leggur m.a. fulanar undir at hava samband við lokalar hernaðarligar bókar. Hinvegin sigur fulanifólkið, at herurin í Mali letur dogonfólkinum vápn, og vápnini verða brúkt í álopum á fulanar.