KÍ góðan møguleika at spæla seg víðari í kvøld

Klaksvíkingar skulu gera arbeiðið liðugt, men teir hava eitt ógvuliga gott útgangsstøði undan dystinum ímóti Tre Fiori í kvøld.

Tá dysturin í kvøld verður bríkslaður ígongd, er KÍ á odda heili 5-1, sum bleiv úrslitið í fyrra dystinum móti felagnum úr San Marino.

Patrik Johannsen, Simen Sandmæl, Jonn Johannesen og Jóannes Bjartalíð (2) skoraðu málini fyri KÍ í tí dystinum.

Dysturin ímillum Tre Fiori og KÍ byrjar klokkan 19.45.

Spælir KÍ seg víðari skulu teir møta Riteriai úr Litava.

NSÍ byrjar í mótgongd

NSÍ skal eisini á vøllin í Evropa League kappingini í kvøld.

Uppgávan hjá NSÍ er munandi torførari enn tann hjá KÍ, tí runavíkingar taptu fyrra dystin ímóti Ballymena úr Norðurírlandi 0-2.

NSÍ og Ballymena spæla á Svangaskarði klokkan 19.00. Útvarpið sigur beinleiðis frá dystinum.

Eydnast tað NSÍ at vinna samanlagt, skulu teir møta Malmø úr Svøríki í komandi umfarinum.