Høvuðsstaðurin í Indonesia flytast

Indonesia hevur gjørt av at flyta høvuðstaðin úr Jakarta til oynna Borneo. Orsøkin er, at Jakarta er hóttur av náttúrukreftum og ov nógvari ferðslu, skrivar Reuters.

Tað búgva 10 milliónir fólk í Jakarta, men verða útjaðaraøkini tikin við, er talan um 30 milliónir fólk.

Nýggi høvuðstaðurin sum skal vera á Borneo, tí tann oyggin er ikki so ofta fyri náttaúruhendingum sum restin av landinum.

Fer at kosta minst 221 milliardir

–  Ætlanin hevur strategiskan týdning, tí so verður høvuðsstaðurin miðskeiðis í landinum, tætt við har býir vaksa, sigur forsetin í Indonesia, Joko Widodo, á tíðindafundi.

Umhvørvisfólk í Indonesia eru ikki nøgd við ætlanina, tí tað fer at gera enda á fleiri djórum, siga tey. Jakarta hevur leingi havt stórar trupulleikar av nógvu fólkunum.

Teir trupulleikarnir kann sleppast undan í einum nýggjum høvuðstaði, sigur eitt umboð fyri Greenpeace. Prísurin fyri nýggja høvuðstaðin verður minst 221 milliardir krónur sigur forsetin.