ES-nevndin tilnevnd

26 nevndarlimir, ein úr hvørjum ES-landi, eru tilnevndir. Bretland fær ongan nevndarsess, tí bretar eru á veg úr evropeiska samveldinum.

Margrethe Vestager úr Danmark, sum hevur verið ES-nevndarlimur í kappingarmálum, verður næstforkvinna í ES-nevndini. Hennara málsøki verður talgilda menningin.

Tríggir næstformenn í ES-nevndini

Margrethe Vestager heldur eisini fram sum ES-nevndarlimur í kappingarmálum. 

Michel Barnier, sum var ES-nevndarlimur seinasta valskeið, fer framvegis at standa á odda fyri samskiftinum við Bretland um ES.

Tríggir næstformenn eru í ES-nevndini. Niðurlendingurin, Frans Timmermans, er fyrsti næstformaður, og berst forkvinnuni, Ursulu von der Leyen, frá, røkir hann formanssessin.