- Tíðindi, mentan og ítróttur
Berlusconi stuðlar landsins leiðslu
![](https://kvf.fo/sites/default/files/styles/grein-ovasta-mynd/public/berlusconi_i_odini_eftir_dom.jpg?itok=EkW7ZxZA)
Silvio Berlusconi sigur, at stjórnin skal halda fram hóast álvarsligir spennningar hava verið – ikki minst eftir at hægstirættur her fyri staðfesti dómin móti honum fyri skattasvik
Hildið varð, at dómurin kundi fella stjórnina hjá Enrico Lettas, sum bara hevur sitið í tríggjar mánaðir. Men hesum vísti Berlusconi aftur, tá hann tosaði við eini 2000 viðhaldsfólk, sum í gjár vóru savnað uttan fyri heim hansara í Róm. Tey mótmæltu hægstarættardómin.
- Tað, sum drívir verkið eru ikki persónligu áhugamál okkara. Áhugamál hjá øðrum og hjá Italia koma altíð í fyrstu røð, segði Berlusconi. Hann legði dent á, at nýval liggur ikki fremst í huganum hjá honum.
Hann endurtók krøvini hjá sær frá fyrr, nevniliga at góðkenna búskaparligu nýskipanirnar, sum undanfarna stjórnin varð samd um at fremja.
Berlusconi vísti kortini sína ónøgd við dómin, og segði við viðhaldsfólkini, at hann er ósekur.
Hann varð dømdur fýra ára fongsul, har eitt ár var treytaleyst. Men hann sleppur ivaleyst undan at fara í fongsul í eitt ár, tí skal í staðin gera eitt samfelagsgagnligt (samfelagstænastu) ella sita í húsavarðhaldi.
Umframt skattasvik er Berlusconi ákærdur fyri at havt kynsligt samband við blaðunga skøkju, valdsmisnýtslu sum forsætisráðharri og fyri at leka politiavlurting fyri at vinna einum politisku møtustøðumanni neisir.