Ísrael letur 26 palestinskar fangar leysar

Vandi er kortini fyri, at samráðingarnar detta niðurfyri, áðrenn tær eru byrjaðar. Tí í gjár kunngjørdi ísraelska stjórnin, at hon hevur givið loyvi til 1000 búsetingar afturat á hersetta vestara áarbakka.

Partarnir høvdu sín fyrsta fund 30. juni, og hava avtalað at hittast aftur mikudagin.

Onki at samráðast um
Palestinski forsetin, Mamhmoud Abbas, sigur, at einki er at samráðast um, heldur Ísrael fram við búsetingarpolitikki sínum.

Ísraelski forsætisráðharrin, Benjamin Netanyahu, hevur sagt, at 104 palestinskir fangar verða latnir leysir í fleiri umførum, til tess at fáa gongd á aftur friðarsamráðingarnar.

Meiri enn ein hálv millión jødar búgva á vestara áarbakka.