Dagstovnurin í Vági goldin

Í mai mánað í ár varð nýggi dagstovnurin í Vági, Eikilund, við vøggustovu, barnagarðsstovum og frítíðarskúla tikin í nýtslu.

Dagstovnurin Eikilund er normeraður til tilsamans 90 børn, 66 barnagarðsbørn og 24 vøggustovubørn.

Nú gjørt er upp, er greitt, at nýggi dagstovnurin tilsamans kostaði góðar 9,8 mió. kr. at byggja, íroknað er grundøkið fyri góðar 0,9 mió. kr.

Økið uttanum stovnin er eisini gjørt liðugt.

Vágs Kommunan valdi, tá farið varð undir dagstovnin, ikki at taka lán fyri at byggja stovnin, sigur Vágs kommuna í tíðindaskrivi.

Kommunan valdi ikki at taka lán fyri at byggja dagstovnin, og nú liðugt er, er eisini seinasti parturin goldin, tilsamans 3,4 milliónir kr., upplýsir Dennis Holm, borgarstjóri.