- Tíðindi, mentan og ítróttur
Amnesty takkar Mandela
![](https://kvf.fo/sites/default/files/styles/grein-ovasta-mynd/public/mand.jpg?itok=O6AddDkw)
Rørslan, sum stríðist fyri mannarættindum, stendur í takksemisskuld til Nelson Mandela. Tað sigur Amnesty International í fráboðan í kvøld, nú suðurafrikanska friðarhetjan andaðist.
Nelson Mandela var politiskur fangi, sum varð hildin aftur orsakað av samvitsku hansara. Hann skilti og merkti á egnan kropp, hvussu tað, at bólkar verða útihýstir, oyðileggur sosiala samanhangin í einum landi.
SÍ EISINI Nelson Mandela deyður
Salil Shetty, aðalskrivari hjá Amnesty International sigur, at Nelson Mandela broytti allan heimin, tá hann noktaði at góðtaka órættvísið í Suðurafrika.
- At Nelson Mandela er deyður er ikki bara ein missur fyri Suðurafrika. Tað er ein missur fyri øll kring heimin, sum berjast fyri frælsi, fyri rættvísi og fyri at steðga mismuni, sigur Salil Shetty.
Eftirmælið hjá Nelson Mandela skal virðast í fleiri ættarlið, heldur hon.
- Stríðið hjá Nelson Mandela fyri mannarættindum varð eyðkent av ósvikaliga vilja hansara at burturbeina rasumismun undir apartheit, sigur Salil Shetty.
SÍ EISINI Mandela sameindi heimin
Amnesty International útnevndi Nelson Mandela at vera samvitskuumboðsmann í november 2006. Tað var fyri at viðurkenna arbeiði hansara í nógv ár við finnast at brotum á mannarættindini, ikki bara í Suðurafrika, men kring allan heimin.