Nú kemur CarPlay frá Apple til bilin hjá tær

<p>Stýriskipanin CarPlay nú er til reiðar at seta í el-útgerð í nýggjum bilum. Mercedes, Volvo og Ferrari verða millum tey fyrstu við útgerðini, kunngjørdi Apple í morgun.</p>

<p>Harumframt er avtala eisini gjørd gjørd við BMW, Ford, General Motors, Honda, Hyundai, Jaguar, Kia, Mitsubishi, Nissan, Peugeot, Citroën, Subaru, Suzuki og Toyota.</p>

<p>Apple CarPlay fer at gera tað gjørligt, at tvinna saman telefonsamrøður, GPS-kort og undirhald&nbsp;við elektronisku&nbsp;útgerðina í bili tínum, <a href="http://www.theguardian.com/technology/2014/mar/03/apple-carplay-ferrari-... target="_blank">skrivar The Guardian</a>.</p>

<p><strong>Trygdin fremst í huga</strong></p>

<p>Apple-fyritøkan leggur áherðslu á, at fyritøkan fyrst og fremst hevur tikið atlit til trygdina hjá fólki ið koyra bil, tá Apple CarPlay varð ment og gjørt liðugt.</p>

<p>- iPhone brúkarar vilja hava alt beint við hondina, og CarPlay letur bilførarar gera júst hetta, uttan at tað gongur útyvir trygdina, sigur Greg Joswiak, marknaðarleiðari&nbsp;hjá Apple.</p>

<p>Enn er ikki greitt, nær fyrstu bilarnir&nbsp;við CarPlay fara at síggjast á vegunum. Hetta er nú í stóran mun til bilframleiðarnar at gera av, tí Apple hevur gjørt sín part av arbeiðnum liðugt.</p>