Kynslig misbrot skulu ikki fyrnast​

Kynslig misbrot skulu ikki fyrnast​
Ein heildarætlan móti kynsligum ágangi er á veg, segði Annika Olsen landsstýriskvinna, tá hon svaraði fyrispurningi hjá Sirið Stenberg
 
13.04.2014 - 18:13

Fyrningarfreistin fyri mál, ið hava við kynsligan ágang at gera, eigur at verða tikin burtur, segði Annika Olsen, landsstýriskvinna í almannamálum í Løgtinginum í vikuni. Hon svaraði fyrispurningi frá Sirið Stenberg úr Tjóðveldi, sum vildi hava at vita, um nøkur ítøkilig ætlan er um, at broyta ella taka av fyrningarfreistina.

Annika Olsen sigur, at ein heildarætlan móti kynsligum ágangi er ávegis, men tíverri er hon seinkað. Sjálv hevði landsstýriskvinnan ætlað, at arbeiðið skuldi verða liðugt í vár, men tað verður tað ikki. Nú er málið, at tað verður liðugt í summar.

Spyrjarin, Sirið Stenberg, helt, at tað er eingin orsøk at bíða við at fáa málið ígjøgnum politisku skipanina. Hon heitti á landsstýrið um at fáa arbeiðið gjørt, tí hon ivast ikki í, at Løgtingið tekur undir við einum uppskoti um at taka fyrningarfreistina fyri kynsligan ágang av.

Spyrjarin og landsstýriskvinnan vóru samdar um, at eingin fyrningarfreist eigur at vera fyri kynsligan ágang.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652