- Tíðindi, mentan og ítróttur
Fjepparar biðja um friðskjól
Fjepparar biðja um friðskjól
200 fólk, ið komu úr Gana at hyggja at HM í fótbólti, vilja ikki heimaftur úr Brasil.
Fjeppari úr Gana stuðlar liði sínum, ið tó ikki vann nakran dyst.
11.07.2014 - 15:27
Sambært brasilskari løgreglu hava fótbóltsfjeppararnir biðið um friðskjól, tí teir eru muslimar. Í Gana stríðast muslimskir bólkar sínámillum.
Øll fólkini komu lógliga til Brasil, tí tey skuldu stuðla landsliðnum hjá Gana, ið spældi í býnum, Natal, heilt eysturi í Brasil.
Løgmálaráðið í Brasil fer at gera av, um fólkini úr Gana fáa friðskjól. Fyribils hýsir ein felagsskapur hjá katólsku kirkjuni teimum 200 fólkunum.
Gana endaði annars aftast í bólki G. Liðið tapti fyri USA og Portugal og spældi javnt móti Týsklandi.
Er kopiera
Nýggjastu sendingar í ÚV
Nýggjastu sendingar í SV
