Vóna at friðarætlan verður sett í verk

<p>Samráðingar eru í hvítarussiska høvuðsstaðnum, Minsk. - Vit vóna, at friðarætlanin verður sett í verk í morgin, sigur ukrainski forsetin, Petro Porosjenko.</p>

<p>Tekur Ukraina undir við eini vápnahvíld eru russisku uppreistrarmenninir har eysturi í Ukraina eisini til reiðar at leggja vápnini, sigur Andrej Purgin, sum er varaforsætisráðharri í sjálvlýsta lýðveldinum Donetsk, sambært tíðindastovuni Interfax.</p>

<p>- Vil hin parturin eina veruliga vápnahvíld, fara vit kanska eisini at steðga bardøgunum, sigur Andrej Purgin, sum væntandi fer at hitta ukrainsku leiðsluna í Minsk fríggjadagin.</p>