El-súkklur fáa fólk at koyra minni í bili

Fleiri kommunur í Danmark hava verið við í landsumfatandi tiltakinum, "Royn eina el-súkklu".  Og longu nú síggjast fyrstu úrslitini.

Fyrstu 235 persónarnir hava í miðal súkklað 50 kilometrar um vikuna. Og eftir, at royndartíðin var av, keyptu fleiri sær elsúkklu.

Minni CO2-útlát

Tvær týdningarmiklar orsøkir eru til, at kommunurnar vilja hava fólk at súkkla. Tað er gott fyri likam og umhvørvi. 

Elsúkklur eru umhvørvisvinarligari enn bilar. Hóast súkklan brúkar streym, er útlátið ber 12 gram av CO2 fyri hvønn kilometur, meðan útlátið frá bensinbili er 132 gram í miðal.