Vil hava tøl um støðuna hjá støkum uppihaldarum

Kjakið um fátækradømi í Føroyum er farið av leið.

Tað heldur Bjarni Djurholm, løgtingsmaður fyri Fólkaflokkin, sum vil hava landsstýrismannin í fíggjarmálum at koma við útgreinandi tølum um støðuna hjá støkum uppihaldarum undir forsorg.

Bjarni Djurholm heldur, at í almenna kjakinum verða tøl varpað út, sum tykjast vera tikin úr heildini, og hann vil tí hava Jørgen Niclasen at svara, hvussu umstøðurnar í veruleikanum eru.

Bjarni Djurholm sigur, at hann setir hesar spurningar fyri at fáa faktuella vitan um kringumstøðurnar viðvíkjandi forsorgarupphædd, skattum, gjøldum og ískoytum.