Eldur í mosku í Skåne

Í nátt var aftur eldur í eini mosku í Svøríki, hesaferð í Esløv í Skåne, og nógv bendir á, at hann var ásettur, sigur løgreglan.

Einki fólk hevur fingið skaða, og enn er ógreitt, um nakar hevur sæð, hvi eldurin kyknaði. 

Moskan er í einum kjallarahøli í útriðuni av Esløv. Í heyst hava fleiri herverk verið framd á moskuna.

Hósdagin varð eldur settur á eina mosku í Eskilstuna í Svøríki, og fimm fólk fingu skaða. Sambært einum sjónarvátti varð ein brennandi lutur tveittur inn í moskuna, áðrenn eldurin kyknaði.

Nógv fólk var í moskuni, tá eldurin kyknaði, men løgreglan hevur fáar slóðir at elta í málinum.