Danir vilja hava frágreiðing um FarGen

Danska heilsumálaráðið, sum skal flyta 10 milliónir krónur til Føroyar og FarGen verkætlanina, hevur biðið um eina útgreining av løgfrøðiligu viðurskiftunum.

Útgreiningin skal staðfesta, hvussu pengarnir skulu flytast og heimiðlast, og eina útgreining av lógarverkinum um genomlesing av føroyingum. Verkætlanin dregur tískil út.

Genomlesing er eitt viðkvæmt evni. Donsku myndugleikarnir vilja helst tryggja sær, at lógarverkið er í lagi, áðrenn teir flyta peningin, sigur aðalstjórin í Heilsumálaráðnum við útvarpið.