Obama: Søgulig avtala kann tryggja heimsfriðin

Seks heimstjóðir skrivaðu í gjár, skírisdag, undir eina søguliga kjarnorkuavtalu, ið framyvir eisini kann verða við til at tryggja heimsfriðin.

USA, Stóra Bretland, Frakland, Kina, Týskland og Russland samdust í gjár um eina røð av krøvum til umstríddu kjarnorkuætlanina hjá Iran.

Í høvuðsheitum ber avtalan í sær, at partarnir eru samdir um, at neyvt eftirlit skal havast við kjarnorkuætlanini og kjarnorkuverkum í Iran næstu 10 árini.

Greinin heldur fram niðanfyri

New div after blockquote

"Historic understanding" - @BarackObama hails Iran nuclear agreement http://t.co/gvQmFetDIM pic.twitter.com/2I33R9Mh9f

— BBC News (World) (@BBCWorld) April 3, 2015

Samstundis byrjar ein longri semingsroynd eisini. Partarnir fara nú at royna at fáa eina endaliga avtalu uppá pláss, sum skal verða liðug í seinasta lagi 30. juni í ár.

Barack Obama, amerikanski forsetin, fagnar nýggju kjarnorkuavtaluna, ið hann væntar, kann gera sítt til at heimsfriðurin kann tryggjast í framtíðini.

Vegurin til nýggju kjarnorkuavtaluna hevur verið drúgvur og langur. Samráðingarnar um nýggju kjarnorkuavtaluna, ið varð skrivað undir í gjár, hava vart í 12 ár.