Obama: Hillary verður ein frálíkur forseti

Leingi hevur verið gitt, at hon fór at stilla upp, og í gjárkvøldið, okkara tíð, kunngjørdi Hillary Clinton, at hon ætlar sær aftur í Hvítu húsini í Washington, hesa ferð sum forseti.

Mong fagna fráboðanini hjá Hillary Clinton, millum annað eisini á sosiala miðlinum, Twitter, har útivið 100.000 viðhaldsfólk longu hava deilt fráboðanina hjá Hillary Clinton umaftur.

Greinin heldur fram niðanfyri

New div after blockquote

I'm running for president. Everyday Americans need a champion, and I want to be that champion. –H https://t.co/w8Hoe1pbtC

— Hillary Clinton (@HillaryClinton) April 12, 2015

Eygleiðarar siga, at Hillary Clinton hevur so stórt vald í demokratiska flokkinum og nógvan pening at reka valstríð fyri, at tað er ivasamt, um nakar hættar at stilla upp ímóti henni.

Hillary Clinton kappaðist við Barack Obama um at gerast forsetavalevni í 2008, men Obama vann og tilnevndi hana uttanríkisráðharra í fyrra forsetaskeiðnum. Síðani hevur Hillary Clinton fyrireikað seg til at stilla upp til forsetavalið næsta ár.

Barack Obama lovar henni allan stuðul. Obama sigur, at Hillary Clinton var ein framúrskarandi uttanríkisráðharri, og hon verður eisini frálíkur forseti. Forsetaval verður aftur í USA í november 2016.