- Skeivt at avreiða verkætlanina av landinum

- Tað er ein skeiv avgerð, at avreiða verkætlanina av landinum. Tað sigur Føroya Handverksmeistarafelag, sum tekur undir við Ráðgevarafelagnum.

Ráðgevarafelagið sendi í farnu viku eina áheitan til politisku flokkarnar, um at lata føroyskar ráðgevarafyritøkur projektera Eysturoyartunnilin og Sandoyartunnilin.

Handverksmeistarafelagið samt við Ráðgevarafelagnum

Føroya Handverksmeistarafelag veitir Ráðgevarafelagnum sín fulla stuðul í royndunum at varðveita og menna fakligu førleikarnar í Føroyum, sigur felagið.

Handverksmeistarafelagið heldur, tað hevur stóran týdning fyri byggi- og annleggsvinnuna sum heild, at føroyskar fyritøkur standa á odda fyri verkætlanum í Føroyum.

Vinnan roynir alsamt at menna samstarv og mannagongdir til tess, at føroysk bygging skal taka seg fram og gagna samfelagnum mest møguligt, sigur felagið.