Facebook sett met: Ein milliard brúkarar sama dag

- Hetta er ein varði á vegnum. Mánadagin brúkti sjeynda hvørt menniskja á jørðini Facebook fyri at koma í samband við familju og vinir, skrivar Facebook-stjórin, Mark Zuckerberg í sínu egnu støðudagføring.

Greinin heldur fram niðanfyri

Mark Zuckerberg vónar, at ein dag verða øll menniskja á jørð bundin saman á Facebook. Í juli vóru tilsamans 1,49 milliardir brúkarar skrásettir á Facebok.

Bróðurparturin av teimum fólkunum brúka Facebook dagliga. Í juli mánaði vóru 968 milliónir brúkarar í miðal um dagin á Facebook.