Lív bjargaði fimm fólkum norðan fyri Kaldbaksnes

Bjargingarbáturin Lív bjargaði í gjárkvøldið fimm fólkum. 

Tey vóru í einum báti, sum sigldi á steinar á botninum Yviri undir Síðu, norðan fyri Kaldbaksnes á Streymoynni.

Báturin var á veg úr Hvalvík til Kaldbaks, tá óhappið hendi. 

Fimm fólk, tvey vaksin og trý børn, vóru í bátinum, upplýsir politiið. Báturin legðist nógv, so fólkini fóru í bjargingarbátin.

Politiið fekk fráboðan um hendingina klokkan hálvgum níggju í gjárkvøldið, og 40 minuttir seinni var Lív hjá bátinum.

Lív tók fólkini umborð, og bátin upp á sleip. Lív fór til Kaldbaks við fólki og báti.