Nýskipanarlógir skulu tryggja grikkum fleiri lán

Nýskipanirnar hava við sær, at pensjónirnar lækka, pensjónsaldurin hækkar, revsingin fyri at svika í skatti verður herd, og orkuveitingin í landinum skal liberaliserast.

Seinni í mánaðinum fara lánveitararnir at kanna, um Grikkaland heldur sín part av avtaluni fyri at fáa fleiri lán.

Vilja hava tað avgreitt skjótt

Grikska stjórnin vil hava eftirlitið avgreitt skjótast tilber, so bankarnir í landinum verða endurfíggjaðir, og farast kann undir samráðingar um at gjalda risastóru skuldina aftur

Tingið skal avgreiða tilsamans 48 lógaruppskot, og higartil hava ikki verið trupulleikar hjá Tsipras, forsætisráðharra, at fáa nýskipanirnar gjøgnum tingið.

Tær fyrstu lógirnar vórðu samtyktar við 154 atkvøðum. Tilsamans 300 sessir eru í grikska tjóðartinginum.