Eldur kom í hús av teldlum

Løgreglan fekk um sekstíðina í gjárkvøldið fráboðan um, at eldur var í einum húsum í Skálavík. Talan var ikki um stóran eld.

Eldur var komin í ein ella tveir teldlar, sum stóðu á einum køksborði og løddu. Hitin frá teldlunum hevur verið so mikið nógvur, at eldur var komin í pappír, sum lógu á borðinum og eldur kom eisini í borðplátuna.

Tvær smágentur vóru inni, og tær boðu frá eldinum. Sløkkiliðið í Skálavík kom á staðið og tveitti teldlarnar á dyrð og sløkti eldin, sigur Kristian Dahl, vaktleiðari á politistøðini í Havn.