Dumpa lúsagift ólógliga

Ein fiskimaður, sum roynir eftir rækjum á einum firði, hevur meldað ein brunnbát, tí hann fær ongar rækjur á vanligu leiðunum longur.

Fiskimaðurin sigur orsøkina vera, at ein ávísir brunnbátur sleppur vandamiklu evnini út í sjógvin, tá reinsað verður fyri lús. Í Noreg eru 59 brunnbátar.

Hildið verður, at teir sleppa vandamiklu evnini út, burtur frá har sum teir arbeiða, men tað hóttir annan fisk, og er ikki lógligt, sigur umhvørvismálaráðið, sum kannar málið.

SÍ EISINI Fiskimaður: Rækjur doyggja av eitri ímóti laksalús

Reiðaríið hjá bátinum, sum er meldaður, vísir á, at eingin brunnbátur hevur loyvi at sleppa vandamiklu evnini út í sjógvin. Teir skulu hava loyvi frá matvørustýrinum.

Fiskimenninir finnast hvassliga at, at um teir bert tveita ein fisk fyri borð, so fáa teir bót. Tí siga teir seg ikki skilja, at brunnbátarnir kunnu fylla havið við vandamiklum evnum, uttan at nakað verður gjørt við málið.

Umhvørvismálaráðið í Noregi fer nú at biðja um fund við norsku alararnar um støðuna.