Kanna hví bilurin fór á rull

Ferðsluvanlukkan í Havn seinnapartin í gjár hendi, tá ein bilur fór á rull úr einari innkoyring við eini sethús við Velbastaðvegin, stutt oman fyri Heygsvegin.

Kvinnan, sum átti bilin, hevur helst roynt at steðga honum og var innan fyri hurðina vinstrumegin. Hon kleimdist av bilhurðini, tá bilurin tók í garðin við innkoyringina.

Akstovan skal kanna bilin

Bilurin rullaði út á Velbastaðvegin, har ein bilur, sum kom niðaneftir, ella vestureftir, rendi á bilhurðina.

Kvinnan, sum var 57 ára gomul, fór á Landssjúkrahúsið. Har varð staðfest ein tíma seinni, at hon var deyð. Líksýn verður, upplýsir politiið.

Bilurin verður kannaður á Akstovuni fyri at vita, um til ber at finna orsøkina til, at hann fór á rull.