Senda flogseðlar inn yvir Norðurkorea

Í dag skutu noðurkoreanarar sambært suðurkoreanskum myndugleikum, rakettir úr býnum Hamhung har suðuri í landinum út í havið

Fríggjadagin skeyt Norðurkorea miðalrakettir út í japanska havið, hóast ST og USA hava hert tiltøkini móti Norðurkorea.

6. januar gjørdi Norðurkorea eina kjarnorkuroyndarspreinging, ta fjórðu síðan 2006. Suðurkoreansk atgerðarfólk, aktivistar, teirra millum fleiri norðurkoreanarar, sum eru flýddir til Suðurkorea, hava í fleiri ár slept flogseðlum um markið.

Finnast hvassliga at Norðurkorea

Á flogseðlunum verður funnist hvassliga at norðurkoreansku myndugleikunum. Nú ætla teir at senda tíggju milliónir flogseðlar aftrat inn yvir Norðurkorea.

Í januar sendi Norðurkorea eina millión flogseðlar inn yvir Suðurkorea, har funnist varð at suðurkoreanska forsetanum, Park Geun-Hye.

Suðurkoreansku myndugleikarnir hava fyrr sent propaganda í risastórum hátalarum um væl varda markið.