Abu Sayyaf avrættað ein gísla í Filipsoyggjum

<p>Kanadiska og norska sendistovan hava fingið boðini.&nbsp;</p>

<p>Kanadiski forsætisráðharrin, Justin Trudeau, váttaði ígjárkvøldið, at talan er um John Ridsdel, sum er avrættaður.</p>

<p>- Vit fordøma kaldblóðuga drápið. Ábyrgdin liggur fult og heilt hjá yvirgangsbólkurin, segði Trudeau á tíðindafundi.</p>

<p><strong>Norðmaður er eisini gísli</strong></p>

<p>56 ára gamli norðmaðurin, Kjartan Sekkingstad, hevur seinastu tíðina verið hildin gísli saman við báðum kanadiarunum.&nbsp;</p>

<p>Abu Sayyaf hevði sett evstamark fyri at rinda loysipeningin til klokkan trý ígjár - lokala tíð.</p>

<p>Yvirgangsbólkurin hevur kravt umleið 180 miljónir krónur fyri at lata leysar allar tríggjar menninar, sum vórðu tiknir til gísla samstundis.</p>

<p>Bólkurin hevur fyrr sett evstamark, men hesa ferð avrættaður teir ein av gíslunum, skrivar AP.</p>

<p><strong>Stjórnardeildir leita eftir gíslunum</strong></p>

<p>Teir tríggir menninir vóru tiknir til gísla á frítíðarstaðnum, Oceanview Resort á oynni Samal útfyri Min-danao har suðuri í Filipsoyggjunum 22. september í fjør.</p>

<p>Stjórnarherdeildir í Filipsoyggjunum hava í fleiri umførum leitað eftir monnunum.</p>

<p>Miðskeiðis í marsmánað lótu sjey limir í Abu Sayyaf lív undir leitingini. Harumframt hava 16 hermenn fingið løstir í samanbrestum, sum hava varað upp í fleiri tímar.</p>