Uppskriftin uppá langt lív: Et rá egg og kjøtfars

Emma gjørdist heimins elsti persónur, eftir at heimsins elsti persónur, Susannah Mushatt Jones, doyði hósdagin, 116 ára gomul.

Susannah varð fødd 6. juli 1899 í Montgomery í Alabama, og varð góðar fýra mánaðir eldri enn italska Emma Santoni, sum nú hevur tikið heitinum, sum heimsins elsta fólk.

Emma Morano er fødd 29. november 1899, og er sostatt 116 ára gomul. Hon er helst seinastu persónur, sum er føddur í 1800-talinum, sum er á lívi.

Rá egg og kjørtfars

Og uppskriftin at gerast so gomul, er at eta tvey rá egg um dagin. Tey vóru ráðini, sum hon fekk frá læknanum sum 20 ára gomul, og tað hevur hon gjørt líka síðan. 

Og tað loysir seg eisini at eta kjøtfars, - men í smáum nøgdum, regluliga.

Emma hevur eisini víst á veruleikan, at hon fór frá manni sínum í 1938, og hevur verið støk síðani tá.

Væl fyri

Í dag er 116 ára gamla Emma lutfalsliga væl fyri í mun til aldurin. Sosiala lívið er tó ikki so gott, tí hon er nærum deyv og blind, og gongur illa. Og ja, eingir javnaldrar eru at tosa við longur heldur.

- Allir vinirnir liggja í kirkjugarðinujm, sigur hon.