Øll fáa ikki hjálp

Restin av umsóknunum vórðu tiknar aftur ella eru enn ikki liðugt viðgjørdar. Tað boðar Almannaverkið frá í tíðindaskrivi í morgun.

Higartil hava familjurnar fingið 1,7 milliónir krónur í familjuískoyti. Ískoytið var eitt eitt av málunum, sum Javnaðarflokkurin fór til val uppá seinast.

Hámarkið hækkar 10.000 krónur

Tað eru stakir uppihaldarar, hjún ella samlivandi, ið hava børn undir 18 ár, sum hava eina árliga inntøku uppá 190.000 krónur ella lægri, sum kunnu søkja um fult familjuískoyti.

Er árliga inntøkan hægri enn 190.000 krónur, kann søkjast um skert familjuískoyti, sum verður ásett av umstøðunum hjá umsøkjaranum, boðar Almannaverkið frá

Hámarkið fyri fult familjuískoyti hækkar úr 190.000 upp í 200.000 krónur 1. august 2016, sigur Almannaverkið eisini í tíðindaskrivinum.