Eldur settur á bilar í Danmark

Sviar hava í alt summar havt trupulleikar av, at eldur hevur verið settur á bilar. Nú er líkt til, at trupulleikin eisini hevur breitt seg til Danmarkar.

Sunnunáttina varð eldur settur á 10 bilar í Keypmannahavn og aftur í nátt var eldur í bilum í Christianshavn.

Óvist um samband er millum tilburðir

Í Svøríki hava brennandi bilar verið ein stórur trupulleiki, serliga í Malmø, Linkøping, Norrkøping og Lund í alt summar.

Tað ber ikki til at siga um eldsbrunarnir í Keypmannahavn hava samband við eldsbrunarnar í Svøríki, sigur Rasmus Bernt Skovsgaard, varapolitiinspektørur, við Ekstra Blaðið.

Men hann leggur dent á, at eldásetingarnar mugu steðgast beinanvegin, so tað ikki vindur uppá seg. Til samans er eldur settur á einar 100 bilar í Malmø í summar.