Italia minnist tey deyðu av jarðskjálvtanum

Í Italia er almennur minningardagur fyri teimum nærum 300, sum doyðu í jarðskjálvtanum í fjallalendinum miðskeiðis í landinum.

Bert í býnum Amatrice doyðu meira enn 200.

Síðani mikukvøldið er eingin funnin á lívi, men hildið verður fram at leita til uppspurt er, hvat vorðið er at teimum, sum ikki eru komin aftur í aftur. 388 fólk hava verið ella eru á sjúkrahúsi fyri skaðar, tey fingu í jarðskjálvtanum.

Forsætisráðharrin vitjar

Matteo Renzi. forsætisráðharri, kemur til býin Arquata, sum var millum teir harðast raktu, har almenn jarðarferð verður hildin.

Samstundis eru raktu landspartarnir settir í undantaksstøðu, og 50 milliónir evrur eru settar av til at byggja býirnar uppaftur fyri.

Jarðskjálvtin var 6,2 stig á Richtertalvuni og rakti trýggjar landspartarnar hundrað kilometrar eystan fyri høvuðsstaðin Rom.