Grundlógaravhoyring um harðskapsmál

Nú klokkan 10 er grundalógaravhoyring í Føroya Rætti. Ein 44 ára gamal maður er handtikin í sambandi við eitt harðskapsmál sunnukvøldið í Havn.

44 ára gamli maðurin skal vera lopin á ein 50 ára gamlan mann. Teir báðir búgva í sama húsi, har teir leiga hvør sítt kamar.

Maðurin er fyrr dømdur fyri harðskap, og hevði treytaðan dóm til í 2017, eftir at hann hevði siti part av dóminum og varð royndarleyslatin.

Tað merkir, at um maðurin fremur slíkt lógarbrot aftur í royndarleyslatingini, verður tað, sum eftir er av royndartíðini, effektivt. Tí skal maðurin í rættin.