Harður jarðskjálvti í Italia

Skjálvtin rakti miðitalia í morgun. Miðdepilin var 68 kilometrar í ein útsynning úr Perugia nærhendis lítla býnum Norcia.

Jarðskjálvtin málti 6,6 á Rictherstiganum, og er harðari enn teir sum raktu sama øki fyri nøkrum døgum síðani, skrivar BBC.

Oyðilegging og løstir

Fleiri bygningar eru oyðilagdir, har ímillum søguliga kirkjan í býnum Norgja.

Ongar fráboðanir um deyðsføll enn, tó so at onkur er løstaður. 

Vóru fyrireikað

Orsøkin er helst, at fleiri vóru flutt úr býnum í samband við skjálvtarnar í síðstu viku. Tað hevur helst bjargað nógvum, at tey hava valt at bíða í nakrar dagar, áðrenn tey fóru aftur í húsini, skrivar BBC.

Jarðskálvtin í morgun rakar slakar tveir mánaðir eftir, at ein stórur skjálvti drap næstan 300 fólk, og oyðilegði fleiri italskar býir í august.

Ristingar kendust víða

Sambært BBC kendust rystingarnar bæði í høvuðsstaðnum Rom og í VeneziA, sum liggur væl norðan fyri rakta økið.